Plantun de Prouvènço

Pèr coumpara dos planto d'encò nostre

Cicendia filiformis & Stellaria nemorum subsp. montana

Cicendia filiformis

Gentianaceae

Nom en français : Cicendie filiforme.

Descripcioun :
La cicendìo, pichoto planto (3-20 cm), trachis dins li tepiero de terraire séusous. Es uno planto de l'an que li fueio soun en lanço e de segur óupousado. Li flour, jauno e di quatre petalo, soun pourtado pèr un long pecou. Es uno planto aparado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Cicendia
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 mm
Flourido : Printèms

Sòu : Si
Autour basso e auto : 0 à 600 m
Aparado : Vo
Abriéu à jun

Liò : pelouso umido - Mueio - Riéusset
Estànci : Mesoumediterran à Subremediterran
Couroulougi : Mediterrano-atlantico
Ref. sc. : Cicendia filiformis (L.) Delarbre, 1800

Esteleto(-de-mountagno)

Stellaria nemorum subsp. montana

Caryophyllaceae

Nom en français : Stellaire à graines barbues.

Descripcioun :
L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Jun à avoust

Liò : Bos fres - Prado à rousèu - Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cicendia filiformis & Stellaria nemorum subsp. montana

ges

Coumpara Cicendìo emé uno autro planto

Coumpara Esteleto(-de-mountagno) emé uno autro planto